مدونة صيدلاوى

Skin care       cleansers دايما فى الصيدليه بنلاقى منتجات مخصوص لغسيل منطقة العين وغالبا بتكون مزيله للمكياج والمسكره طيب ايه الفكره ف كده يعنى؟ ما نستخدم الغسول بتاعنا العادى وخلاص ولا هيه فلوسنا زياده عشان نشترى منتجات ملهاش لازمه ؟ لا ليها لازمه لان منطقة العين ليها خصائص معينه لازم اخد بالى منها ومن الخصائص دى ان الجلد اللى حواليها مفيهوش اى غدد دهنيه فكده هيكون معرض للجفاف بسهوله وكمان الجلد بيكون أرق واكثر حساسيه فى منطقة الجفون وحول العين عن اى منطقه تانيه فى الوجه وكمان بطانة الدهون اللى بتكون تحت الجلد بتكون نحيفه جداااا وكمان المنطقه دى دايما تحت ضغط حركة الرموش والجفون وكمان لازم اعمل حساب ان ممكن يكون فيه مكياج او مسكره والمسكره بالذات رخمه وممكن تكون ضد الميه ( ده لو الزبونه يعنى هاى ستايل وساعتها مش هوصيك بقا اخبط اغلى غسول مكياج يا معلم ) طيب تعالوا نشوف ازاى الشركات بتفرق فى التركيب بتاع الغسول على حسب نوع كل بشره للبشره الحساسه او الجافه هتلاقى دايما مكتوب خالى من الصابون والمنتجات دى بتكون سعرها غالى هتلاقى معظم المكونات جلسرين وبانثينول وبي

الخطوات الاساسيه للعنايه بالبشره  1-cleansing 2-exfoliation 3-tonners 4-moisturization 5-sun protection نشوف اول حاجه وهى cleansing طبعا ممكن واحد يقولى وهيه يعنى الصابونه اشتكت ما الصابونه زى الفل وبتنضف وتشيل اى حاجه آساحبى طبعا هقوله ده لان حضرتك بشرتك جاحده ولا بيأثر فيها حتى مية نار بتقول كده انما فيه كائنات عايشه معانا ع الكوكب بشرتها بتتأثر جدا حسب نوع الغسول ومش بينفع معاها صابون ام الولد اللى حضرتك بتستخدمه ايه هيه اهمية الغسول اولا تنضيف للبشره من التراب والشوائب و بقايا المكياج ثانيا ممكن تكون خطوه علاجيه فبتشيل اى عوائق ممكن تعترض الدواء او الماده الفعاله اللى ممكن تحطها بعد الغسول زى مثلا لو مريض حب شباب بننصحه بغسول الاول عشان يشيل الدهون الزياده وينضف البشره كويس عشان لو هيحط كريم يمتص كويس او ممكن قبل علاج تصبغ الجلد او الخطوط الرفيعه الخ عندنا نوعين طريقة استخدام الغسول Wet cleansing عن طريق الميه Dry cleansing عن طريق القطنه او باستخدام الاتنين معا انواع الغسول اولا على حسب الشكل : Cleansing foam Cleansing gel Cleansing milk Clean